Bygland kommune har vedtekne retningsliner som skal sikre at alle veganlegg som kommunen eig og/eller blir overtekne av Bygland kommune blir bygde trafikksikre og slik at drift og vedlikehald kan skje med minst mogleg kostnadar for veghaldar. Retningslinene gjeld private og kommunale vegar og avkøyrslar. Når retningslinene blir følgde, kan vegar som blir bygde av private bli overtekne av kommunen til offentleg drift og vedlikehald.
Retningslinene skal fungere som eit oppslagsverk og gi ei kortfatta innføring i dei krav som gjeld til vegplanlegging i Bygland kommune. Den viktigaste målgruppa er vegeigarar, planleggarar, forslagsstillarar, byggherrar og utbyggjarar. Retningslinene vil også vere eit nyttig hjelpemiddel for både intern og ekstern sakshandsaming, samt politiske organ som handterer plan- og byggesaker i Bygland kommune.
Vegnormalen blir brukt ved reguleringsplanarbeid og bygging av nye vegar. Ved utbetring eller endring av vegar, skal ein tilpasse vegnormalen så langt det er praktisk og økonomisk forsvarleg.
Normalen er i stor grad basert på Statens vegvesen si handbok for veg- og gateutforming, og handbok for vegbygging. Det er gjort ei forenkling med beskriving av dei viktigaste normalverdiar for kommunale vegar. I den grad detaljar og opplysningar manglar, ser ein føre seg bruk av vegvesenet sine handbøker og Norsk Standard.
Kontakt Bygland kommune for å få tilsendt vegnormalen på e-post.